ဒီဇင်ဘာ 𝟑𝟏 ရက် 𝟏𝟗𝟒𝟏 ဖွား သည် စကော့တလန်သား ကစားသမားဟောင်း တစ်ဦးဖြစ်ပြီး မန်ချက်စတာယူနိုက်တက်အသင်းကို 𝟏𝟗𝟖𝟔 ခုနှစ်မှ 𝟐𝟎𝟏𝟑 ခုနှစ်အထိ ကိုင်တွယ်ရာတွင် စံချိန်တင်မှတ်တမ်းကောင်း၊ အောင်မြင်မှုပေါင်းများစွာနဲ့ ဘောလုံးသမိုင်းစာမျက်နှာမှာနာမည်တစ်လုံး ရေးထိုးခဲ့သူဖြစ်ပါတယ်။ အချိန်တိုင်းရဲ့အကြီးမြတ်ဆုံးနည်းပြများထဲမှ တစ်ဦးအဖြစ် ကျယ်ကျယ်ပြန့်ပြန့် သတ်မှတ်ခံထားရပြီး ဘောလုံးသမိုင်းမှာအခြားနည်းပြများထက် ဆုဖလားအောင်မြင်မှု ပိုမိုရရှိထားသူလည်း ဖြစ်ပါတယ်။ ဖာဂူဆန်ဟာ အထူးသဖြင့် မန်ချက်စတာယူနိုက်တက်အသင်းတွင် ရှိနေစဉ်အတွင်း လူငယ်များကို တန်ဖိုးထားလေ့ရှိပြီး 𝟏𝟗𝟗𝟎 ခုနှစ်များတွင် "𝐂𝐥𝐚𝐬𝐬 𝐨𝐟 '𝟗𝟐" ဖြင့် အသင်းကို ကမ္ဘာ့အချမ်းသာဆုံးနှင့် အအောင်မြင်ဆုံးဖြစ်လာစေရန် ပံ့ပိုးပေးခဲ့တာကြောင့် ချီးကျူးဂုဏ်ပြု ခံရသူဖြစ်ပါတယ်။

ဖာဂူဆန်ကို ဂလတ်စ်ဂိုး ရဲ့ ဂိုဗန်ခရိုင်၊ ရှီးဟော တွင် အဲလီဇဘတ် နှင့် အလက်ဇမ်းဒါး ဘာတန်ဖာဂူဆန် တို့မှမွေးဖွားခဲ့ပါတယ်။ သူ့အဖေဟာ သင်္ဘောတည်ဆောက်ရေး လုပ်ငန်းတွင် အကူဝန်ထမ်းတစ်ဦး ဖြစ်ပြီး သူဟာ ဂိုဗန်ရှိတိုက်ခန်းတွင် ကြီးပြင်းခဲ့ကာ သူရဲ့မိဘများနှင့် ညီဖြစ်သူ မာတင်တို့နှင့်အတူ ဘောလုံးသမားဖြစ်လာတဲ့ အထိနေထိုင် ခဲ့ပါတယ်။ မူလတန်းကျောင်းနှင့် နောက်ပိုင်းတွင် ဂိုဗန်အထက်တန်းကျောင်းသို့တက်ရောက်ခဲ့ကာ သူဟာဂိုဗန်ရှိ ဟာမွန်နီရိုးဘွိုင်းကလပ် မှာ သူရဲ့ဘောလုံးသမားဘဝကိုစတင်ခဲ့ပါတယ်။ စီနီယာဘောလုံးသမားများကို မွေးထုတ်ရန်အတွက် နာမည်ကောင်းရှိတဲ့ လူငယ်ကလပ်ဖြစ်သော ဒရမ်ချက်ပယ်အမားချားစ် သို့မတက်မီ သူဟာ ဟီလင်တန်ရှိ စက်ရုံတစ်ခုတွင် ကိရိယာထုတ်လုပ်သူ အဖြစ်အလုပ်သင်ယူခဲ့ပြီး သမဂ္ဂဆိုင်တွင် ဆိုင်ဝန်ထမ်းအဖြစ်လဲ လုပ်ကိုင်ခဲ့ဖူးပါတယ်။

ဖာဂူဆန်ဟာ ဒမ်ဖမ်လိုင်းအက်သလက်သစ် နှင့် ရိန်းဂျား အပါအဝင် စကော့တလန်ကလပ်များစွာ အတွက် ရှေ့တန်းအဖြစ် ကစားခဲ့ပြီး ဒမ်ဖမ်လိုင်းအက်သလက်သစ် တွင် ကစားနေစဉ်၊ သူဟာ 𝟏𝟗𝟔𝟓-𝟔𝟔 ရာသီတွင် စကော့တလန်လိဂ်တွင် ဂိုးသွင်းအများဆုံးဖြစ်ခဲ့ပါတယ်။ သူကစားနေတဲ့ ကစားသမားဘဝ ကုန်ဆုံးခါနီးမှာ နည်းပြအဖြစ်လည်း လုပ်ကိုင်ခဲ့ပြီး အီးစ်စတားလင်းရှိုင်းယား နှင့် ဆာမီရန်𝐄𝐚𝐬𝐭 တို့မှာ သူ့ရဲ့ မန်နေဂျာဘဝကို စတင်ခဲ့ပါတယ်။ ထို့နောက် ဖာဂူဆန်ဟာ အဘားဒင်းရဲ့ မန်နေဂျာအဖြစ် အအောင်မြင်ဆုံး ကာလကို ဖြတ်သန်းခဲ့ပြီး စကော့တလန်လိဂ် ချန်ပီယံ 𝟑 ကြိမ်၊ စကော့တလန် ဖလား 𝟒 ကြိမ် နှင့် ယူအီးအက်ဖ်အေဖလား နှင့် 𝟏𝟗𝟖𝟑 ယူအီးအက်ဖ်အေစူပါဖလား တို့ကို ဆွတ်ခူး နိုင်ခဲ့ပါတယ်။ 𝟏𝟗𝟖𝟔 ကမ္ဘာ့ဖလားပြိုင်ပွဲဝင် နိုင်ငံလက်ရွေးစင် စကော့တလန်အသင်း ကိုလည်း ဂျော်စတိန်း ကွယ်လွန်ပြီးနောက် ခဏတာတာဝန်ယူခဲ့ပါသေးတယ်။

ဒီလိုနဲ့ 𝟏𝟗𝟖𝟔 ခုနှစ် နိုဝင်ဘာလမှာတော့ မန်ချက်စတာယူနိုက်တက်အသင်းရဲ့ နည်းပြအဖြစ် ခန့်အပ်ခံခဲ့ရပြီးမန်ချက်စတာယူနိုက်တက်အသင်းနှင့်အတူ 𝟐𝟔 နှစ်ကြာကာလအတွင်း ပရီးမီးယားလိဂ်ဖလား 𝟏𝟑 ကြိမ်၊ 𝐅𝐀 ဖလား 𝟓 ကြိမ်နှင့် ချန်ပီယံလိဂ်ဖလား 𝟐 ကြိမ်အပါအဝင် ဆုဖလားပေါင်း 𝟑𝟖 လုံးကို ရယူနိုင်ခဲ့ပါတယ်။ 𝟏𝟗𝟗𝟗 𝐐𝐮𝐞𝐞𝐧'𝐬 𝐁𝐢𝐫𝐭𝐡𝐝𝐚𝐲 ဂုဏ်ထူးဆောင်များစာရင်း တွင်သူရဲကောင်းဖြစ်ခဲ့ပြီး 𝟐𝟎𝟏𝟎 ၊ ဒီဇင်ဘာ 𝟏𝟗 တွင် ဆာမတ်ဘတ်စ်ဘီ ရဲ့စံချိန်ကို ကျော်ဖြတ်ကာ မန်ချက်စတာယူနိုက်တက်ရဲ့ သက်တမ်းအကြာဆုံးနည်းပြဖြစ်ခဲ့ပါတယ်။ သူဟာ 𝟐𝟎𝟏𝟐-𝟏𝟑 ရာသီအကုန်တွင် ပရီးမီးယားလိဂ်ဖလားကို ဆွတ်ခူးနိုင်ခဲ့ပြီးနောက် နည်းပြရာထူးမှအနားယူခဲ့ပါတယ်။

ဖာဂူဆန်သည် ကာလိုအန်ဆယ်လော့တီရဲ့နောက်တွင် ဂုဏ်ထူးဆောင်ဆုခုနစ်ခုဖြင့် ဥရောပဘောလုံး ပြိုင်ပွဲများတွင် ဒုတိယဆုအများဆုံးနည်းပြဖြစ်ပါတယ်။ သူဟာ အင်္ဂလန်လိဂ်သမိုင်းတစ်လျှောက် လိဂ်ဖလားသုံးကြိမ်ဆက်တိုက် ဆွတ်ခူးနိုင်ခဲ့သည့် ပထမဆုံးမန်နေဂျာလည်းဖြစ်ခဲ့ပါတယ်။ တစ်နှစ်တာ အကောင်းဆုံးနည်းပြဆု 𝟏𝟎 ဆု၊ တစ်လတာအကောင်းဆုံးနည်းပြဆု 𝟐𝟕 ဆုနှင့် ယူအီးအက်ဖ်အေ ချန်ပီယံလိဂ်တွင်ပွဲအများဆုံးကို ကိုင်တွယ်ခဲ့တဲ့မှတ်တမ်းကိုလည်းပိုင်ဆိုင် ထားပါတယ်။ 𝟐𝟎𝟏𝟕 ခုနှစ်တွင် ဖာဂူဆန်သည် ယူအီးအက်ဖ်အေ ကို 𝟏𝟗𝟓𝟒 ခုနှစ်တွင် စတင်တည်ထောင်ပြီးကတည်းက သြဇာအရှိဆုံး နည်းပြ 𝟏𝟎 ယောက်တွင် ပါဝင်ခဲ့ပါတယ်။

#k9mmmedia

#alexferguson

#coach