𝟏𝟗𝟕𝟖 ဖွား လမ်းပတ်ဟာ သူ့ရဲ့ဖခင်ဖြစ်သူ ကစားခဲ့တဲ့ ဝက်စ်ဟမ်းယူနိုက်တက်အသင်းမှာသူ့ရဲ့ ကစားသမားဘဝကို 𝟏𝟗𝟗𝟓 ခုနှစ်တွင် စတင်ခဲ့ပါတယ်။ သူ့မျိုးဆက်ရဲ့ အကြီးမြတ်ဆုံး ကွင်းလယ်ကစားသမားများထဲမှ တစ်ဦးအဖြစ် အားလုံးမှ သတ်မှတ်ခံထားရသော လမ်းပတ်ဟာ ကွင်းလယ်တွင် မည်သည့်နေရာတွင်မဆို ကစားနိုင်သည့် စွယ်စုံရ ကစားသမားတစ်ဦးဖြစ်ပြီး သူ့ကစားသမားဘဝတစ်လျှောက်လုံး ဗဟိုကွင်းလယ်ကစားသမားအဖြစ်၊ တိုက်စစ်ကွင်းလယ် ကစားသမားအဖြစ်၊ ခံစစ်ကွင်းလယ်လူအဖြစ်၊ ရံဖန်ရံခါ နောက်ချန်တိုက်စစ်မှူးအဖြစ် ပါကစားပေးခဲ့သူဖြစ်ပါတယ်။ ထို့အပြင် လမ်းပတ်ဟာ အလွတ်တည် ကန်ဘောများမှ ဂိုးသွင်းယူနိုင်ပြီး ပင်နယ်တီကိုလည်းသေချာစွာကန်သွင်း နိုင်သူတစ်ယောက်လည်း ဖြစ်ပါတယ်။ ဘောလုံးသမား တစ်ယောက်အနေနဲ့ သူ့ရဲ့အရည်အချင်းတွေအပြင် သူ့ရဲ့ကစားသမားဘဝ တစ်လျှောက်လုံးမှာလည်း သူ့ရဲ့ခေါင်းဆောင်မှုပိုင်းမှာ ထင်ရှားခဲ့သူပါ။

𝟐𝟎𝟎𝟏 ခုနှစ်တွင် ပေါင် 𝟏𝟏 သန်းဖြင့် လန်ဒန်မြို့ခံပြိုင်ဘက် ချဲယ်လ်ဆီးကိုပြောင်းရွှေ့ခဲ့ပြီး လမ်းပတ်ဟာ ကလပ်အသင်းနှင့်အတူ ဆယ့်သုံးနှစ်တာကာလအတွင်း၊ ကွင်းလယ်မှ ဂိုးတွေများစွာသွင်းယူကာ ချဲယ်လ်ဆီးအသင်းရဲ့ ထာဝရဂိုးသွင်းအများဆုံးကစားသမားအဖြစ် 𝟐𝟏𝟏 ဂိုး ထိသွင်းယူနိုင်ခဲ့ပါတယ်။ လမ်းပတ်ဟာ ပရီးမီးယားလိဂ်ဖလား 𝟑 ကြိမ်၊ ချန်ပီယံလိဂ်၊ ယူရိုပါလိဂ်၊ အက်ဖ်အေဖလား 𝟒 ကြိမ်နှင့် လိဂ်ဖလား 𝟐 ကြိမ်တို့ကို ဆွတ်ခူးနိုင်ခဲ့ပါတယ်။ 𝟐𝟎𝟎𝟓 ခုနှစ်တွင် 𝐅𝐖𝐀 တစ်နှစ်တာအကောင်းဆုံး ဘောလုံးသမားအဖြစ်သတ်မှတ်ခံရပြီး 𝐁𝐚𝐥𝐥𝐨𝐧 𝐝'𝐎𝐫 နှင့် 𝐅𝐈𝐅𝐀 𝐖𝐨𝐫𝐥𝐝 𝐏𝐥𝐚𝐲𝐞𝐫 𝐨𝐟 𝐭𝐡𝐞 𝐘𝐞𝐚𝐫 နှစ်ခုစလုံးအတွက်ဒုတိယနေရာရရှိခဲ့ပါတယ် ။ ချဲယ်လ်ဆီးမှထွက်ခွာပြီးနောက် 𝟐𝟎𝟏𝟕 ခုနှစ်တွင် အနားမယူခင် လမ်းပတ်ဟာ လိဂ်ပြိုင်ဘက် မန်စီးတီး နှင့် မေဂျာလိဂ်ကလပ် နယူးယောက် တို့အတွက်ကစားပေးခဲ့ပါတယ်။

လမ်းပတ်ဟာ ပရီးမီးယားလိဂ်တွင် ဂိုး 𝟏𝟓𝟎 နှင့်အထက် သွင်းယူနိုင်သော ကစားသမား 𝟏𝟏 ဦးအနက် တစ်ဦးတည်းသော ကွင်းလယ်ကစားသမားဖြစ်ပြီး သူဟာဂိုးဖန်တီးမှု 𝟏𝟎𝟐 ကြိမ်ဖြင့် ပရီးမီးယားလိဂ်ရဲ့ အချိန်တိုင်းအတွက် ဂိုးဖန်တီးမှုနေရာတွင် စတုတ္ထနေရာရပ်တည်ခဲ့ပါတယ်။ ချဲယ်လ်ဆီးနှင့် ပရီးမီးယားလိဂ် မှတ်တမ်းများစွာကို ပိုင်ဆိုင်ထားပြီး 𝐏𝐅𝐀 ပရိသတ်များရဲ့ တစ်နှစ်တာအကောင်းဆုံး ကစားသမားဆုနှင့် 𝐅𝐖𝐀 ဂုဏ်ပြုဆုတို့ကိုလည်းဆွတ်ခူးထားတဲ့အပြင် ကစားသမားဘဝတစ်လျှောက် 𝐏𝐅𝐀 တစ်နှစ်တာအကောင်းဆုံးအသင်း 𝟑 ကြိမ် ၊ပရီးမီးယားလိဂ်အကောင်းဆုံး ကစားသမားဆု 𝟏 ကြိမ်နဲ့ ပရီးမီးယားလိဂ်ရဲ့ ထိပ်တန်းဂိုးဖန်တီးသူအဖြစ် 𝟑 ကြိမ် ဆွတ်ခူးခဲ့ပါတယ်။ နောက်ပြီး လမ်းပတ်သည် ချဲယ်လ်ဆီးပရိသတ်များရဲ့ မဲပေးရွေးချယ်မှုအရ ဆယ်စုနှစ်ရဲ့ ချဲယ်လ်ဆီးအသင်းနှင့် ပရီးမီးယားလိဂ် 𝐇𝐚𝐥𝐥 𝐨𝐟 𝐅𝐚𝐦𝐞 သို့ ရွေးချယ်ခြင်းလည်းခံခဲ့ရပါတယ်။

လမ်းပတ်သည် အင်္ဂလန်လက်ရွေးစင်အသင်းအတွက် 𝟏𝟎𝟔 ပွဲကစားခဲ့ပြီး 𝟏𝟗𝟗𝟗 ခုနှစ်တွင် ပွဲဦးထွက်ကစားခဲ့ပြီး 𝟐𝟎𝟎𝟔၊ 𝟐𝟎𝟏𝟎 နှင့် 𝟐𝟎𝟏𝟒 ခုနှစ်များတွင် နိုင်ငံကိုယ်စားပြုအဖြစ် ဖီဖာကမ္ဘာ့ဖလားသုံးကြိမ်နှင့် ယူရို 𝟐𝟎𝟎𝟒 တို့တွင်ပါဝင်ကစားခဲ့ပါတယ်။ အင်္ဂလန်အတွက် 𝟐𝟗 ဂိုး သွင်းယူခဲ့ပြီး 𝟐𝟎𝟎𝟒 နှင့် 𝟐𝟎𝟎𝟓 တွင် အင်္ဂလန် တစ်နှစ်တာအကောင်းဆုံး ကစားသမားအဖြစ် မဲပေးရွေးချယ်ခံခဲ့ရသူပါ။

ကစားသမားဘဝပြီးနောက်နည်းပြဘဝကို 𝟐𝟎𝟏𝟖 ခုနှစ်တွင် ဒါဘီကောင်တီအသင်းမှာ စတင်ခဲ့ပြီး ကလပ်အား ထိုရာသီ ချန်ပီယံရှစ်ပြိုင်ပွဲရဲ့ နောက်ဆုံးအဆင့်သို့ ပို့ဆောင်ပေးနိုင်ခဲ့ပါတယ်။ ပြီးနောက် တစ်နှစ်အကြာတွင် ချဲယ်လ်ဆီးအသင်းနည်းပြချုပ်အဖြစ် ခန့်အပ်ခံရပြီး သူ့ရဲ့ပထမရာသီတွင် အမှတ်ပေးဇယား စတုတ္ထနေရာနှင့် အက်ဖ်အေဖလားဗိုလ်လုပွဲသို့ ပို့ဆောင်ပေးနိုင်ခဲ့ပါတယ်။ သို့သော်လည်း ရလဒ်များဆိုးရွားပြီးနောက် 𝟐𝟎𝟐𝟏 ခုနှစ်တွင် ထုတ်ပယ်ခံခဲ့ရကာ အဲဗာတန်အသင်းဆီရောက်ရှိခဲ့ပြီး အဲဗာတန်နှင့်လက်တွဲပြီးနောက် 𝟐𝟎𝟐𝟑 ခုနှစ်မှာနောက်ထပ်တစ်ကြိမ် ချဲယ်လ်ဆီးအသင်းရဲ့ယာယီနည်းပြအဖြစ်နဲ့ ချဲယ်လ်ဆီး ဆီပြန်လည်ရောက်ရှိခဲ့ပါတယ်။

#k9mmmedia

#Chelsea

#FrankLampard